Berdaq atındaǵı Qaraqalpaq mámleketlik universiteti Málimleme-resurs orayı tárepinen student-jaslar arasında kitapqumarlıq mádeniyatın rawajlandırıw maqsetinde barlıq fakultetlerde kóshpeli kitap kórgizbesi shólkemlestirilip kelinbekte. Usı jıldıń 28-31 mart kúnleri aralıǵında Qaraqalpaq filologiyası hám jurnalistika, ózbek filologiyası hám shet tiller fakultetlerinde tarawǵa tiyisli hám kórkem ádebiyatlardan kórgizbe shólkemlestirilip, jaslardı oraydaǵı bar ádebiyatlar menen tanıstırıp bardı.

Bul kórgizbeni shólkemlestiriwdegi maqset jaslardıń bos waqıtların mazmunlı ótkeriw, sonday-aq, olardıń bilim alıw ushın kóbirek ózleriniń imkaniyatları jánede bilimlerin jetilistiriwge xızmet etetuǵın kitaplardı úgit násiyatlaw bolıp tabıladı. Maǵlıwmat ushın Málimleme-resurs orayındaǵı oqıw zalları kitap oqıyman degen jaslar ushın azanǵı saat 10:00 den keshki saat 22:00 ge shekem xızmet kórsetip kelmekte. Keleshegimiz bolǵan jaslardı kitap oqıp bilim alıwǵa shaqırıp qalamız! Áziz student-jaslar kóshpeli kitap kórgizbesiniń endigi mánzili siziń fakultette bizdi kútiń!

MRO direktorı w.w.a.       R. Kalmurzaeva