Usı jıldıń 11-aprel kúni Ekonomika fakultetiniń Finans kafedrasında Ózbekistan Respublikası Joqarı bilimlendiriw, ilim hám innovaciya ministrligi, Innovaciya agentligi qasındaǵı Ilimiy texnika informaciya orayı direktorı orınbasarı e.i.d., prof. Nizamaddin Haydarov, Tashkent Mámleketlik Ekonomika universitetiniń professorı e.i.d. Jańabay Isakov tárepinen «Finans hám finanslıq texnologiyalar» baǵdarı studentlerine «Zamanagóy shárayatlarda mámleket finans sistemasındaǵı reformalar hám onıń tiykarǵı baǵdarları» atamasında oqıw seminar shólkemlestirildi. Sonday-aq seminarǵa kafedra baslıǵı w.a.docent Q.Daniyarov, kafedra docenti U.Aytmuratova, kafedra assistenti A.Dauletalievalar qatnastı.

Oqıw seminar barısında búgingi kúnde mámleketimizdiń finans sistemasında keń qamtıwlı reformalar ámelge asırılıp atırǵanlıǵı, respublikamızda ekonomikanı turaqlı rawajlandırıwdı támiyinlewge qaratılǵan kelesi dáwir ushın puxta hám hár tárepleme tiykarlanǵan maqsetli, túrli dárejedegi ekonomikalıq rawajlanıw dástúrleri islep shıǵılǵanlıǵı hám usı Mámleketlik dástúrleriniń mámleketimizde nátiyjeli ámelge asırılıwı, óz waqtında qarjı menen támiyinlewde finans sisteması byudjetleriniń róli hám áhmiyeti haqqında aytıp ótti. Seminar qızıqlı hám mazmunlı boldı. Bunday óz-ara tájriybe almasıw sabaqlarınıń aldaǵı waqıtlarıda shólkelestirilip barılıwı studentlerimiz tárepinen usınıs etildi.