Búgin 14-aprel kúni Berdaq atındaǵı Qaraqalpaq mámleketlik universiteti mádeniyat sarayında «Referendum hám jaslar» atamasında seminar bolıp ótti. Onda Qaraqalpaqstan Respublikası Joqarǵı Keńes Baslıǵınıń orınbasarı R.Saparbaev, universitetimizdiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov, tyutorlar hám student-jasalar qatnastı.
Dáslep Seminarda Qaraqalpaqstan Respublikası Joqarǵı Keńes Baslıǵınıń orınbasarı R.Saparbaev konstituciyamızǵa kirgizilip atırǵan ózgeris hám qosımshalar boyınsha 30-aprel sánesinde ótkeriletuǵın referendumnıń mánis-mazmunı, sonday-aq, konstituciyadaǵı jańadan kirgizilip atırǵan nızamlardıń mámleketimiz hám xalqımız turmısın jaqsılawdaǵı tutqan áhmiyeti boyınsha student-jaslarǵa keńnen túsinikler berdi. Seminarda student-jaslar ózleriniń qızıqtırǵan sorawlarına juwalpar aldı.
Haqıyqatında da búgingi kúnde Ózbekstan Respublikasında bilimlendiriw tarawında jaslarǵa zamanagóy bilim hám kónlikpelerdi puqta iyelewi ushın eń qolay shárayatlar jaratıw izbe-iz dawam ettirilmekte, Mámleketimizde 2026 jılǵa shekem ámelge asırılatuǵın eń tiykarǵı wazıypalar qatarında bilimlendiriw tarawın reformalaw, rawajlandırıwǵa úlken itibarın qaratpaqta. Álbette jańalanıp atırǵan konstituciyamızdaǵı ózgeris hám qosımshalar oqıp bilim alaman degen hár qanday jas ushın keń múmkinshilikler jaratıp beriwi sózsiz.
QMU baspasóz xızmeti
