18-aprel kúni Shet tilleri fakulteti dekanı Dj.Kurbanbaev basshılıǵında Rus tili hám ádebiyatı kafedrası ulken oqıtıwshısı E.Sheribaev hám Inglis til bilimi kafedrası oqıtıwshısı A.Musaevlar menen birgelikte Ámudarya injenerlik texnikumına barıp, shet tilleriniń yaǵnıy inglis hám rus tilleriniń texnikumda oqıtılıw barısı menen jaqınnan tanıstı. Ushırasıwda Dj.Kurnbanbaev texnikum oqıwshıları menen sáwbet júrgizdi hám házirgi dáwirde shet tiline bolǵan talap, olardı ózlestiriw usılları hámde shet tiliniń texnikum studentleriniń keleshektegi ómiri ushın áhimiyeti haqqında sóz sóyledi.

          Ushırasıwdan soń E.Sheribaev texnikum studentleri ushın «Rus tilin úyreniw» hám A.Musaev «Inglis tilin úyreniw usılları», «Xaliqaraliq hám Milliy sertifikatlar» haqqında korgizbeli sabaq óttiler. Texnikum studentleri ótilgen sabaqqa aktiv qatnastı hám ózleriniń qızıqtırǵan sorawlarına juwap aldılar.

A.Musaev, Inglis til bilimi kafedrası oqıtıwshısı