Berdaq atındaǵı Qaraqalpaq mámleketlik universiteti 7-imaratı aldında «Referendum hám jaslar» atamasında forum bolıp ótti. Tariyx, Geografiya hám Tábiyiy resurslar hám Dene mádeniyatı fakulteti student-jasları qatnasıwında forum joqarı keypiyatta bolıp ótti.

Forumda Tariyx fakulteti dekanı S.A.Sulaymanov, Geografiya hám tábiyiy resurslar fakulteti dekanı N.Embergenov, Dene mádeniyatı fakulteti dekanı N.Qayıpov hám siyasiy ilimler doktorı A.Xojageldievler sózge shıǵıp, Konstituciyamızǵa kirgizilip atırǵan ózgeris hám qosımshalar boyınsha 30-aprel sánesinde ótkeriletuǵın referendumnıń mánis-mazmunı, sonday-aq, konstituciyadaǵı jańadan kirgizilip atırǵan nızamlardıń mámleketimiz hám xalqımız turmısın jaqsılawdaǵı tutqan áhmiyeti boyınsha student-jaslarǵa keńnen túsinikler berdi.

Soń Ózbekstan Respublikası Prezidenti mámleketlik stipendiyası iyesi X.Utemuratova, Berdaq atındaǵı stipendiya iyesi A.Bazarbaevalar sózge shıǵıp jaslarǵa jaratılǵan imkaniyatlar haqqında aytıp ótti. Forum Arqa-batıs áskeriy okrugi orkestri aǵzaları hám estrada qosıqshıları atqarıwında koncert baǵdarlaması menen dawam etti.

Gózzal Jumamuratova,

QMU Tariyx fakultetiniń 3-kurs studenti