Berdaq atındaǵı Qaraqalpaq mámleketlik universiteti Ekonomika fakultetinde gezektegi keńes májilisi bolıp ótti. Onda fakultettiń barlıq  professor oqıtıwshıları hámde tyutorlar qatnastı. Kun tártibindegi máseleler boyınsha fakultet dekanı K.Kudiyarov shıǵıp sóylep, ol óz sózinde oqıw processi, tálim tárbiya jumısların nátiyjeliligin arttırıwda fakultet jámáátiniń aldında turǵan wazıypalar haqqında aytıp ótti. Bunnan soń fakultette ótkerilip atırǵan ilajlarda belsendi qatnasqan professor-oqıtıwshılar, student-jaslar, sonday-aq, ata- analarına hám ilimiy basshılarına minnetdarshılıq bildirip, rektorat hám fakultet jámááti atınan alǵısnamalar tapsırıldı.

Maǵlıwmat ushın 2022/2023-oqıw jılında Ekonomika fakultetinde har bir kafedralardaǵı ziyrek studentler menen alıp barılıp atırǵan jumıslar nátiyjesi, yaǵnıy 7 ziyrek student mámleketlik stipendiantı jeńimpazı: solardan, 4-finans toparı studenti Erniyazova Sevara Sabitjanovna, 2022/2023 oqıw jılı ushın Tolepbergen Kayıpbergenov atındaǵı mámleketlik stipendiantı, 4-finans toparı studenti Sabırbaev Nurlan Karimbay ulı Berdaq atındaǵı stipendiantı, 3-finans toparı studenti Jumamuratova Xurliman Ongarbaevna Berdaq atındaǵı stipendiantı, 4-kurs buxgalteriya toparı studenti Seytnazarov Daniyar Berdaq hám Navoiy atındaǵı stipendiantı, 3-kurs statistika toparı studenti Orınbaeva Moxinur Kuatbaevana Berdaq atındaǵı stipendiantı, 3-kurs buxgalteriya toparı studenti Eshbanbetov Elmurat Maxstbaevich Berdaq hám atındaǵı stipendiantı, 4-kurs menejment toparı studenti Rejepmuratov Sherzod Islom Karimov atındaǵı stipendiantı iyesi bolıw baxıtına miyassar boldı.