Ózbekstan Respublikası Joqarı bilimlendiriw, ilim hám innovaciyalar ministrligi Qaraqalpaqstan aymaqlıq basqarmasınıń baslıǵı N.Kayupov basshılıǵında universitemiz Tariyx fakultetinde arxeolog professor-oqıtıwshılar menen ushırasıw bolıp ótti. Onda Ózbekstan Respublikası Joqarı bilimlendiriw, ilim hám innovaciyalar ministrligi Qaraqalpaqstan aymaqlıq basqarması qánigeleri hám universitettiń xalıq aralıq birge islesiw boyınsha prorektorı T.Nurımbetov, fakultet dekanı S.Sulaymanov, Arxeologiya kafedrası baslıǵı J.Xakimniyazov hám Arxeologiya kafedrası professor oqıtıwshıları qatnastı. Ushırasıwda tiykarınan Qaraqalpaqstan aymaǵındaǵı tariyxıy miyras obektleriniń búgingi kúndegi saqlanıw jaǵdayı hám saqlap qalıw, sonıń menen birge tariyxıy esteliklerde islenip atırǵan máseleler kórip shıǵıldı.

Bul tarawdaǵı kemshilikler hám jetiskenlikler, aldaǵı waqıtları isleniwi kerek bolǵan rejeler boyınsha óz-ara pikirler alıstı. Atap aytqanda Xojeli rayonında jaylasqan Mizdaxan arxeologiyalıq kompleksine ishki hám sırtqı turistlerdi tartıw hám úlkemizdiń bay tariyxı menen tanıstırıw boyınsha jol kartaların islep shıǵıwǵa kelisip alındı.