Berdaq atındaǵı Qaraqalpaq mámleketlik universiteti Hayal-qızlar keńesi tárepinen hayal-qızlarımızdıń salamatlıǵın bekkemlew, qızlarda reproduktiv salamatlıqtı jetilistiriw baǵdarında úgit-násiyatlaw ilajları turaqlı túrde ótkerilip kelinbekte. Usınday úgit-násiyat ilajlarınıń biri Biologiya fakulteti hayal-qızlar keńesi tárepinen shólkemlestirildi.

Onda Respublikalıq jas óspirimler dispanseri ginekolog – shıpakeri A.Erpolatova, Qaraqalpaqstan Respublikası AIJSke qarsı gúresiw orayı qánigesi G.Kalimbetova hám fakultet tyutorları qatnastı. Ushırasıwda medicina xızmetkerleri tárepinen hayal – qızlardıń reproduktiv salamatlıǵı, erte turmıs qurıwdıń aqıbetleri, juqpalı keselliklerdiń aldın alıw hám gigiena qaǵıydalarına boysınıw haqqında keń túrde túsinikler berildi.

Yaǵnıy bul kesellikler qanday jollar menen juǵıwı onıń aldın alıwda nelerge itibar qaratıw kerekligi haqqında taraw qánigeleri keń túrde maǵlıwmatlar berip ótti. Bul ushırasıwdı shólkemlestiriwden tiykarǵı maqset qızlarımızda salamat turmıs tárizin qáliplestiriw bolıp tabıladı. Ushırasıw barısında student qızlar ózlerin qızıqtırǵan sorawlarına shıpakerlerden juwaplar aldı.

Biologiya fakulteti hayal-qızlar boyınsha

dekan másláhátshisi G.Perdebaeva