Berdaq atındaǵı Qaraqalpaq mámleketlik universiteti, Shet tilleri fakulteti professor-oqıtıwshıları Ámiwdárya rayonında boldı. Fakultet dekanı Dj.Kurbanbaev basshılıǵında Ámiwdárya injenerlik texnikumda inglis tilin jedel úyretiw maqsetinde oqıwshı jaslar menen ushırasıw ótkerdi. Shet tilleri fakulteti professor-oqıtıwshıları tárepinen oqıwshılardıń shet tillerine qızıǵıwshılıǵın elede asırıw maqsetinde hár qıylı sheberlik sabaqları ótkerildi. Ushırasıwdıń tiykarǵı maqseti-texnikumda tálim alıp atırǵan oqıwshı jaslardıń inglis tili kónlikpelerin rawajlandırıw, xalıqaralıq sertifikatlaǵa tayarlanıw, sonıń menen birge olardıń qábiletlerin júzege shıǵarıw hám óz-ara pikir almasıw bolıp tabıladı.

Seminar dawamında inglis til bilimi hám kafedrasınıń úlken oqıtıwshısı U.Hakimov hám stajyor-oqıtıwshı A.Bazarbaev tárepinen inglis tilin úyreniwde áhmiyetli ideya hám jantasıwlar menen tanıstırıp, házirgi zamanagóy pedagogikalıq texnologiyalardıń bilim alıwda girewli ornı haqqında sáwbetlesti.

  Shet tilleri fakulteti stajyor-oqıtıwshısı A.Bazarbaev,