Berdaq atındaǵı Qaraqalpaq mámleketlik universiteti Ekonomika fakulteti dekanı K.Kudiyarov basshılıǵında ekonomika qánigeligi 3 kurs studentleri Nókis qalalıq salıq inspekciyasında bolıp, inspekciya jumısı menen jaqınnan tanısıw imkaniyatına iye boldı. Bul jerde inspekciyanıń “Fizikalıq táreplerge xızmet kórsetiw bólimi” baslıǵı M.Otanazarov “Yuridikalıq shaxslarǵa xızmet kórsetiw” bólimi baslıǵı I.Esemuratov student-jaslarǵa bólimlerdiń funkciyaları, wazıypaları, ishki tártip qaǵıydaları haqqında tolıq maǵlıwmatlar berdi. Student-jaslar salıqqa tartıw mexanizmleri boyınsha ózleriniń qızıqtırǵan hár qanday sorawlarǵa juwaplar aldı.

Teoriya menen ámeliyattı baylanıstırıwshı bunday ushırasıwlardıń shólkemlestiriliwi bilimlerdi bekkemlewdiń eń nátiyjeli usılı esaplanadı. Óz-ara birge islesiw tiykarında bunday ámeliy sabaqtı shólkemlestiriwge jaqınnan járdem bergen Mámleketlik salıq inspekciyası jámáátine fakultetimiz oqıtıwshıları hám student-jaslar atınan óz minnetdarshılıǵımızdı bildirip qalamız.