Búgin Qaraqalpaq filologiyası hám jurnalistika fakulteti Jurnalistika kafedrası professor-oqıtıwshıları hám tálim baǵdarı studentleri qatnasında jurnalistika tarawınıń áhmiyetli máselelerine baǵıshlanıp jazılǵan kitap kórgizbesi bolıp ótti.

Ilajdı jurnalistika kafedrası baslıǵı J.Marziyaev basqarıp bardı. Onda kitap avtorı Ózbekstan Milliy universiteti docenti, filoloigiya ilimleriniń doktorı Yu.Hamdamov ózi tayarlaǵan «Audiovizual» («Radiojurnalistika» bólimi) oqıw qollanbası hám «Ózbek baspasózi rawajlanıwınıń tiykarǵı principleri (teoriyalıq kategoriyalar evolyuciyası») atlı monografiyasınıń mazmunı menen ilaj qatnasıwshılarına keńnen túsindirip berdi.

Kitap kórgizbesinde qatnasqan miymanlardan Ózbekstan Jurnalistler awkamı Qaraqalpaqstan bólimi baslıǵı K.Reymov, Túrkmenstanlı miyman filosofiya ilimleriniń doktorı K.Hayitov, jurnalistika kafedrası professorı w.w.a. Z.Orazımbetova hám student-jaslar sózge shıǵıp kitap boyınsha óz pikirlerin bildirip ótti.

Ilaj qızǵın soraw hám juwaplarǵa tolı, sonday-aq, erkin pikir alısıwlarǵa bay tárizde ótti.