18-may – Xalıqaralıq muzeyler kúni múnásibeti menen Tariyx fakultetiniń 1-kurs B,V toparları studentleri fakultet tyutorları B.Esemuratova, G.Esboǵanova hám A.Shrazovlardıń basshılıǵında Qaraqalpaqstan Respublikası tariyxı hám mádeniyatı mámleketlik muzeyine sayaxat qıldı. Muzeyge shólkemlestirilgen sayaxat dawamında muzey gidleri J.Rzaeva hám R.Tórebaeva studentlerge muzeydegi eksponatlardı keń túrde tanıstırdı. Studentler ózlerin qızıqtırǵan sorawlarǵa juwaplar aldı.

Respublikamızdıń tariyx hám mádeniyat orınlarına usı sıyaqlı sayaxatlardı tez-tezden shólkemlestirip turıw studentlerde ana watanımız hám xalqımızdıń tariyxı, mádeniyatı, úrp-ádet, dástúrlerine bolǵan mehir-muhabbat hám sadıqlıq sezimlerin qáliplestiriwge, sonday-aq, olardıń teoriyalıq bilimlerin ámelde bekkemlep barıwǵa jaqınnan járdem bereri sózsiz.    

Baxıtgúl Esemuratova,  

Qaraqalpaq mámleketlik universiteti

Tariyx fakultetiniń tyutorı