Respublikamızda hawa rayı ısıwına hám jaz máwsiminde dárya, kanallarǵa shomılıwǵa talap artıwına baylanıslı, sonday-aq, studentler tárepinen ayrıqsha jaǵdaylar qaǵıydalarına ámel etiwleri hám de olardıń dárya, kanallarǵa shomılıw waqtında júz beriwi múmkin bolǵan baxıtsız hádiyselerdiń aldın alıw maqsetinde usı jıldıń 23-may kúni Dene mádeniyatı fakultetinde taraw qánigeleri qatnasıwında «Ayrıqsha jaǵdaylar qaǵıydalarına ámel etiw – bárshemizdiń minnetimiz» atamasında kórgizbeli ushırasıw hám profilaktikalıq úgit-násiyatlaw ilajı ótkerildi.
Ilajǵa Dene mádeniyatı fakulteti dekanı N.Kaypov, jaslar menen islesiw boyınsha dekan orınbasarı R.Óteniyazov, oqıw isleri boyınsha dekan orınbasarları A.Nurjanov, I.Mamutov, Qaraqalpaqstan Respublikası Ayrıqsha jaǵdaylar basqarması qutqarıw otryadı xızmetkerleri, tyutorlar hám student-jaslar qatnastı. Ilajda qánigeler shomılıw máwsimi keliwi menen suw basseynlerinde baxıtsız hádiyseler júz beretuǵınlıǵı, adamlar sonday baxıtsız hádiyseniń gúwası bolǵanda, yaki suwǵa shógip ketken adamǵa birinshi járdem kórsetiw zárúrligi tuwılǵanda qanday qutqarıw sharaların qollaw kerek ekenligi haqqında ámeliy kórgizbeler hám qutqarıw úskeneleri arqalı student-jaslarǵa túsinikler berdi. Ótkerilgen ilajdıń tiykarǵı maqseti júz beriwi múmkin bolǵan ayrıqsha jaǵdaylardan jaslardı qorǵaw hám xabardar qılıw, bilim hám kónlikpelerin asırıw, bul boyınsha keńnen úgit-násiyatlaw jumısların alıp barıw, sonıń menen birge jaslardı zárúr maǵlıwmatlar menen tanıstırıp barıw bolıp tabıladı.
R.Óteniyazov
Dene mádeniyatı fakultetiniń
jaslar menen islesiӯ boyınsha dekan orınbasarı
