Zamanagóy ilim texnologiya júdá keń tarqalǵan dáwirde, jaslardı ilimge qızıqtırıw, olardıń dúnyalıq bilim hám kónlikpelerin ámeliyatta bekkemlew jámiyetimizdin eń áhmiyetli máseleleriniń biri bolıp kelmekte. Házirgi kúnde hár bir joqarı oqıw ornı tajiriybeli professor –oqıtıwshılarınıń ilim tarawında tájiriybelerin, kónlikpelerin en jaydırıwda keleshek jaslardıń jetik qánige bolıp jetilisiwinde kóplegen jumıslar ámelge asırılmaqta. Usı tiykarda 25-may kúni studentlerdiń ámeliyat barısı menen tanısıw ushın universitetimiz Оqıw isleri boyınsha prorektorı O.Dúysenbaev hám Qala qurılısı hám xojalıǵı kafedrası baslıǵı A.Ilyasov ámeliyat orınlarında bolıp, studentler menen ushırastı.
Ushırasıw dawamında studentlerdiń ámeliyat ótiw kárxanalarında jaratılǵan sharayatlar tolıq úyrenildi. Qaraqalpaq mámleketlik universiteti Arxitektura fakulteti Qala qurılısı hám xojalıǵı hám Arxitektura qánigeligi studentleri házirgi kúnde «Arxenergoproekt» JSHJ, «Uzshaharsozlik LITI» Mámleketlik unitar kárxanası hám «Arxtorus» dóretiwshilik ustaxanalarında, oqıw procesi dawamında alǵan teoriyalıq bilimlerin diplom aldı ámeliyatı dawamında eleda bekkemlep kelmekte. Hár bir toparǵa fakultetimizdiń tájiriybeli professor oqıtıwshıları ámeliyat basshıları retinde biriktirilgen. Professor oqıtıwshılar hám kárxana xızmetkerleri tárepinen studentlerge ámeliyat dawamında barlıq sharayatlar jaratılǵan. Ushırasıw dawamında studentler ózleriniń qızıqtırǵan sorawlarına juwaplar aldı. Studentlerdiń ámeliyat dawamında alǵan bilimleri keleshekte olarǵa óz kásipleriniń jetik qánigeleri bolıp jetilisiwine járdem beriwine isenim bildiremiz.
