Joqarı bilimlendiriw – ilim-pán – islep shıǵarıw ortasında integraciyanı támiynlew, usı tarawda jetik kadrlar tayarlaw, olardaǵı ilimiy izleniwlerdi ekonomika tarawlarınıń real talaplarınan kelip shıǵıp ámelge asırıw maqsetinde “Hududiy elektr tarmoqlari” AJ Qaraqalpaq aymaqlıq filialı menen birgelikte Qaraqalpaq mámleketlik universiteti “Elektr energetikası” kafedrası filialı shólkemlestirildi.

Bunda kafedranıń tiykarǵı qánigelik pánlerinen laboratoriya jumısları hámde studentlerdiń jazǵı qánigelik ámeliyatları, sonday-aq, 4-kurs “Energetika” hám “Elektr energetika” bakalavr tálim baǵdarları pitkeriwshi kurs studentleriniń diplom aldı ámeliyatı tuwrıdan-tuwrı islep shıǵarıw kárxanaları menen baylanısqan halda kafedra filialında ámelge asırılıp kelinbekte.

Usı baǵdarda kafedra filialınıń shólkemlestiriliwi elimiz energetika tarawında maman qánigelerdi tayarlaw hám islep shıǵarıw tarawların zaman talaplarına say kadrlar menen támiyinlew imkániyatın jaratadı.