Búgingi kúnde jańa ideya, jańa joybar oylap tabıw, jańa ashılıwlarǵa umtılıw ushın keń múmkinshilikler jaratılǵan. Usınday múmkinshiliklerden orınlı paydalanıp, óz ilmiy jumısın basqıshpa-basqısh orınlap,  xalıqaralıq ilmiy konferenciyalarda belsendi bolǵan jaslarımızdıń bar ekenligi ólbette bizdi quwantadı. Atap aytqanda, Qaraqalpaq tili qánigeligi 1-kurs doktorantları Gúlparshın Qudaybergenova hám Aygúl Qosımbetovalar hám magistratura bólimi lingvistika:qaraqalpaq tili qánigeliginiń 2-kurs magistrantı Shaxnoza Yaxyaeva Ilim hám ilimiy-ámeliy iskerlik akademiyası tárepinen shólkemlestirilgen «TARAQQIYOT BUNYODKORI» tańlawına qatnasıp kókirek nıshanı hám arnawlı sertifikat  penen sıylıqlandı.

Bunday jetiskenlikler artında ádiwli ustazlardıń ornı girewli. Usınday shákirtlerdi tárbiyalap atırǵan qaraqalpaq til bilimi kafedrasınıń professorı f.i.d Sh.Ábdinazimovqa, f.i.k I.Seytnazarovaǵa hám Phd A.Ótemisovqa  ayrıqsha minnetdarshılıq bildiremiz.