Ózbekstan Respublikası Prezidentiniń usı jıldıń 16-fevral kúngi “2023-jılda qayta tikleniwshi energiya resursların hám energiya únemlewshi texnologiyalardı engiziwdi jedellestiriw ilajları haqqında”ǵı PQ-57-sanlı qararı orınlanıwın támiyinlew maqsetinde Qaraqalpaq mámleket universiteti oqıw imaratları hám studentler turar úylerinde qayta tikleniwshi energiya dáreklerin keń engiziw boyınsha bir qatar jumıslar alıp barılmaqta. Usı ámelge asırılǵan ilajlar menen tanısıw máqsetinde búgin Qaraqalpaqstan Respublikası Bajıxana basqarması baslıǵı orınbasarı S.Avezov, bólim baslıǵı N.Abdirov, universitet Qarjı hám ekonomika isleri boyınsha prorektorı A.Kudaybergenov, Bas energetik D.Uteniyazov, injenerler T.Doshimov hám B.Abdullaevlar menen birgelikte ornatılǵan qayta tikleniwshi energiya dereklerin kózden ótkerdi.
Maǵlıwmay ushın universitetke talap etiletuǵın elektr energiyası quwatlıǵı 980 kVt tı quraydı. Sonnan, 2022-jılda Universitettiń Bas imaratına quwatlıǵı 100 kVt bolǵan quyash fotoelektr stanciyaları 1 573, 0 mln. somǵa ornatılıp hám iske túsirildi.
Ózbekstan Respublikası Joqarı bilimlendiriw, ilim hám innovaciyalar ministrligi tárepinen 2023-jılda tastıyıqlanǵan rejesine muwapıq universitettiń 21 imaratında 10107,6 kv.m maydanına quwatlıǵı 880 kVt bolǵan quyash fotoelektrik stanciyaların ornatıw boyınsha jámi 9 680 000 000 som pul qarjıları ajıratıldı. Búgingi kúnde 7 imartqa 3326,06 kv.m maydanına quwatlıǵı 360 kVt bolǵan quyash panellerin ornatıw boyınsha 3 795 000 000 sumǵa «SANOAT TEXNIK QURILMA» JShJ hám «KONTINENT ART BUSINESS» JShJ tárepinen ornatıw jumısları alıp barılmaqta. Universitettiń 4 imaratında ornatılǵan hám iske túsirilgen quyash panelleri boyınsha maǵlıwmatlardı Shtab elektron platformasına kirigizildi. Universitettiń 14 imaratına 6781,60 kv.m maydanına quwatlıǵı 520 kVt bolǵan quyash fotoelektrik stanciyaların ornatıw Shiyki zat birjasına buyırtpalar berildi.
