Berdaq atındaǵı Qaraqalpaq mámleketlik universitetiniń Tariyx fakultetinde oqıw jılınıń juwmaǵı boyınsha studentlerdiń ata-anaları menen ushırasıw keshesi bolıp ótti. Onda fakultet dekanı, dekan orınbasarları, tyutorlar qatnastı. Ushırasıwdı Tariyx fakulteti dekanı Tariyx ilimleri doktorı S.Sulaymanov basqarıp bardı. Ol óz shıǵıp sóylewinde búgingi kúnde student-jaslarǵa jaratılǵan imkaniyatlar, ishki tártip qaǵıydaları, studentlerdiń sabaqqa qatnası, jámiyetlik jumıslardaǵı belsendiligi, tártip-intizam máseleleri haqqında aytıp, belsendi studentlerdiń ata-analarına minnetdarshılıq bildirdi.

Sonday-aq, ushırasıwda Filosofiya kafedrası oqıtıwshısı filosofiya ilimleri boyınsha filosofiya doktorı A.Orazbaev shıǵıp sóylep, ilim hám bilimlendiriwdiń student jaslardıń turmısında tutqan ornı, mámleketimizde ilim-bilimlendiriwdiń rawajlanıwı ushın ámelge asırılıp atırǵan keń kólemli reformalar haqqında aytıp ótti. Ushırasıw dawamında ata-analar óz pikir hám usınısların bildirip, ózleriniń qızıqtırǵan sorawlarına juwaplar aldı. Ata-analar menen ushırasıwǵa oqıw isleri boyınsha dekan orınbasarı M.Sultaniyazov, Jaslar máseleri boyınsha dekan orınbasarı Z.Qıdırniyazov hám fakultet tyutorları qatnastı.

B.Esemuratova,

Tariyx fakultetiniń tyutorı