Usı jıldıń 7-iyun kúni Berdaq atındaǵı Qaraqalpaq mámleketlik universitetinde jaslar aylıǵı sheńberinde “Bilim hám aqıl-sanamız – usı el ushın, usı jurt ushın” súreni astında jaslardı watansúyiwshilik ruwxında tárbiyalaw, student-jaslardı áskeriy tarawǵa bolǵan qızıǵıwshılıǵın asırıw maqsetinde watansúyiwshilik ilajı bolıp ótti. Ilajda Ózbekstan jaslar awqamı Qaraqalpaqstan Respublikalıq Keńesi, Ózbekstan milliy gvardiyası Qaraqalpaqstan Respublikası boyınsha basqarması, Arqa-batıs áskeriy okrugi hám “Vatanparvarlar” shólkeminen wákiller qatnastı. Ilajda universitetimiz jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov sózge shıǵıp, búgingi kúnde jaslardı Watansúyiwshilik ruwxında tárbiyalaw máselelerine úlken itibar qaratılıp atırǵanlıǵın aytıp, bárshe ilaj shólkemlestiriwshilerine óz minnetdarshılıǵın bildirdi.

Ótkerilgen ilaj sheńberinde “Vatanparvarlar” shólkemi tárepinen áskeriy hám basqa da texnikalar kórgizbesi, Ózbekstan milliy gvardiyası Qaraqalpaqstan Respublikası boyınsha basqarması tárepinen áskeriy kórgizbeli shıǵıwlar hám Arqa-batıs áskeriy okruginiń orkestr toparı ilajǵa kóterińki ruwx baǵıshladı. Ilajdı tamashalawǵa kelgen student-jaslar qural-jaraqlar hám texnikalar menen tanısıp, qalay isletiliwi boyınsha túsinikke iye boldı.