Usı jıldıń 8-iyun sánesinde Berdaq atındaǵı Qaraqalpaq mámleketlik universitetiniń Yuridika fakultetinde náwbettegi ata-analar jıynalısı bolıp ótti. Jıynalısqa fakultet dekanınıń jaslar menen islesiw, ruwxıy-aǵartıwshılıq isleri boyınsha orınbasarı B.Ermekbaev, tyutorlar hám ata-analar qatnastı. Ushırasıwdı dekan orınbasarı B.Ermekbaev basqarıp bardı. Ol óz shıǵıp sóylewinde búgingi kúnde elimizde bilimlendiriw tarawındaǵı reformalar menen student-jaslarǵa jaratılǵan imkaniyatlar, olardı sociallıq qorǵaw hám xoshametlew baǵdarındaǵı alıp barılıpatırǵan is-ilajlar haqqında sóz etti. Sonday-aq, ishki tártip qaǵıydalar hám jámiyettiń etika normalarına ámel etiw, studentlerdiń sabaqqa qatnası, jámiyetlik jumıslardaǵı belsendiligi, tártip-intizam máseleleri boyınsha da aytıp ótti.
Ilaj dawamında 2022-2023-oqıw jılında fakultet, universitet, respublikalıq kóleminde ótkerilgen tańlaw hám ilajlarǵa belsendi qatnasqan, oqıw barısı dawamında sebepsiz sabaq qaldırmaǵan, ayırıqsha minez-qulqı, ádep-iklamlıǵı menen teńleslerine órnek bolıp kiyatırǵan, ilimiy maqalaları gazeta-jurnal hám konferenciya toplamlarında baspadan shıqqan student-jaslardıń ata-analarına fakultet dekanı F.Qutlımuratovtıń alǵısnamaları tapsırıldı. Jıynalıs juwmaǵında ata-analar da shıǵıp sóylep, jıynalısta aytılǵan pikir-usınıs hám tapsırmalarǵa juwapkershilik penen jantasatuǵınlıǵın bildirip, ustazlar hám fakultet jámáátine minnetdarshılıǵın bildirdi.
