Ózbekstan Respublikası Prezidenti tárepinen alǵa súrilgen jaslar mánawiyatın joqarılatıw hám olardıń bos waqıtların mazmunlı shólkemlestiriw boyınsha 5 áhmiyetli baslama tiykarında, sonday-aq, iyun ayı «Jaslar aylıǵı» dep járiyalanıwı múnásibeti menen usı jıl 9-iyun kúni Dene mádeniyatı fakulteti student-qızları arasında sporttıń «Ritmikalıq gimnastika» túri boyınsha jarıs ótkerildi. Ótkerilgen jarısqa 60 tan aslam student-qızlar, yaǵnıy 6 komanda qatnastı. Jarıs qızǵın bellesiwlerge bay bolıp, jaslardıń gimnastikaǵa bolǵan qızıǵıwshılıǵı, olardıń sport sheberlikleri sınaldı.
Jarısqa tájiriybeli sportshılar, dene mádeniyatı teoriyası hám metodikası professor-oqıtıwshıları N.Akimov, A.Qazaqbaev, S.Eliusinovlar tóreshilik etti. Jarıs tóreshiler tárepinen ádil bahalanıp, I-orındı hayal-qızlar sportı tálim baǵdarınıń 1-kurs, 103-topar studentleri, II hám III-orınlardı hayal-qızlar sportı tálim baǵdarınıń 1-kurs, 111-topar studentleri jeńip alıwǵa miyasar boldı jeńip alıwǵa miyasar boldı. Jarıs jeńimpazları shólkemlestiriwshiler tárepinen tayarlanǵan estelik sawǵaları menen sıylıqlandı. Ótkerilgen jarıstıń tiykarǵı maqseti studentler arasında sporttıń «Ritmikalıq gimnastika» túri boyınsha jarıs ótkeriw arqalı student-jaslar arasında salamat turmıs tárizin qáliplestiriw, universitet kóleminde bul sport túrin rawajlandırıw hám en jaydırıw, olardıń sport sheberligin asırıw, qábiletli sportshı studentlerdi anıqlaw bolıp tabıladı.
R.Óteniyazov
Dene mádeniyatı fakultetiniń
jaslar menen islesiӯ boyınsha dekan orınbasarı
