Berdaq atındaǵı Qaraqalpaq mámleketlik universiteti 2023-2024-oqıw jılı ushın ekinshi hám onnan keyingi joqarı bilimlendiriwge sırtqı hám kúndizgi bilimlendiriw forması boyınsha qabıllaw parametrleri tastıyıqlandı.
Bunda ekinshi qánigeliktiń:
➖ sırtqı bilimlendiriw formasına ulıwma 15 tálim baǵdarı boyınsha tólemli kontrakt tiykarında 1045 orın;
➖ kúndizgi bilimlendiriw formasına ulıwma 4 tálim baǵdarı boyınsha tólemli kontrakt tiykarında 80 orın ajıratıldı.
Ózbekstandaǵı barlıq joqarı oqıw orınlarında ekinshi hám onnan keyingi joqarı bilimlendiriwge hújjet qabıllaw usı jıldıń 10-iyul kúninen Birden-bir bilimlendiriw xızmetleri portalı my.edu.uz platforması arqalı onlayn tárizde baslandı.
Hújjet qabıllaw procesi usı jıldıń 10-avgust kúnine shekem (sol kúni de) dawam etedi.
Ekinshi hám onnan keyingi joqarı bilimlendiriw
QMU baspasóz xızmeti
