Sanaat texnologiyası fakulteti Neft hám neft-gazdi qayta islew texnologiyası bakalavr tálim baǵdarınıń oqıw rejesine muwapıq, Neft hám gaz texnologiyası kafedrası assistent oqıtıwshısı R.Durdıbaeva hám stajyor oqıtıwshısı G.Ibragimovalar basshılıǵında student-jaslar Ózbekstan Respublikası Ilimler Akademiyası Qaraqalpaqstan bólimi TIIII «Ximiya» laboratoriyasında tanısıw ámeliyatına boldı. Bul jerde studentlerdi laboratoriya baslıǵı  A.Abılova hám laboratoriya qánigeleri kútip alıp, laboratoriyanıń qısqasha tariyxı hám búgingi kúni haqqında maǵlıwmatlar berdi. Bunnan soń, laboratoriyanıń bas texnologı tárepinen texnika qáwipsizligi qaǵıydaları hám Ximiya, Analitikalıq ximiya, Ulıwma ximiya, Geologiyalıq laboratoriyaları menen studentler tolıq tanıstırılıp, laboratoriya xanalarında amelge asırılatuǵın jumıslar, suyıqlıqlardı qosımsha zatlardan tazalaw, neft ónimlerindegi suw muǵdarın anıqlaw, neft ónimleriniń jabısqaqlıǵın anıqlaw hám maylardı deparafinlew haqqında maǵlıwmatlar berdi hám tájriybeler ótkerdi.Sonday-aq ol jerde studentler hár bir laboratoriyanıń islew principleri, laboratoriyadaǵı ásbap úskeneleriniń atqarıw wazıypaları menen tanısıp, ózlerine kerekli maǵıwmatlardı topladı. Studentler ózlerine kerekli bolǵan materiallardı toplaw menen birge qızıqtırǵan sorawlarına laboratoriya qánigelerinen tiyisli juwaplar aldı.