Xabarıńız bar usı jıldıń 1-10-iyul kúnleri aralıǵında Berdaq atındaǵı Qaraqalpaq mámleketlik universiteti rektoratı tárepinen universitet student-jasları arasında Húrmetli Prezidentimiz tárepinen ilgeri súrilgen  “Bes áhmiyetli baslama” tiykarında jaslardıń bos waqıtların mazmunlı ótkeriw maqsetinde “Jańa Ózbekstan jasları birleseyik!» súreni astında onlayn tańlawlar ótkerilgen edi.

Búgin 19-iyul kúni Berdaq atındaǵı Qaraqalpaq mámleketlik universiteti mádeniyat sarayında usı tańlaw jeńimpazların sıylıqlaw máresimi bolıp ótti. Ilajda universitet rektorı A.Reymov sózge shıǵıp, Húrmetli Prezidentimiz baslaması menen mámleketimizde jas áwladtıń fizikalıq hám ruwxıy jaqtan salamat bolıp ósiwi, sonday-aq, olardıń bos waqıtların mazmunlı shólkemlestiriw, jaslardı sportqa, kórkem ónerdiń basqada tarawlarına keńnen qamtıw boyınsha ámelge asırılıp atırǵan jumıslar haqqında aytıp, bárshe student-jaslardı hám olardıń ustazların qolǵa kirgizgen jetiskenlikleri menen qızǵın qutlıqlap, diplom hám estelik sawǵaların tapsırdı.

Maǵlıwmat ushın; “Jańa Ózbekstan jasları birleseyik!» súreni astında 15 aslam ótkerilgen onlayn tańlawlarda 3000 nan artıq student-jaslar qatnasıp, óz belsendiligin kórsetti. Tańlawda 1-2-3 orınlardı iyelegen jeńimpazlar universitet rektoratı tárepinen diplom hám qımbat bahalı sawǵalar menen sıylıqlanadı.

QMU baspasóz xızmeti