Búgin 25-iyul kúni erte tańnan Qaraqalpaqstan Respublikası balalar hám óspirimler futbol akademiyası sport maydanshasında Berdaq atındaǵı Qaraqalpaq mámleketlik universiteti Sport iskerligi futbol tálim baǵdarına hújjet tapsırǵan abiturientler ushın kásiplik (dóretiwshilik) imtixanları bolıp ótpekte. Imtixanlardı ádil hám ashıq-aydınlıq penen ótiwi ushın universitet tárepinen barlıq qolaylı shárayatlar jaratılǵan bolıp, abiturientler hám olardıń ata-anaları ushın kútiw orınları sonday-aq, imtixan procesin internet arqalı onlayn rejimde baqlap barıw imkaniyatı jaratılǵan.

Ótkerilip atırılǵan imtixanlardı ádil hám ashıq-aydınlıqtı támiyinlew hám imtixanlardı nızam talaplarına say ótkeriliwin baqlap barıw maqsetinde universitettiń Korrupciyaǵa qarsı gúresiw kompleans qadaǵalaw bólimi baslıǵı K.Uteniyazovta qatnaspaqta. Sonıń menen bir qatarda imtixan ótkerilip atırılǵan orınlarda jámiyetlik tártipti saqlawda Milliy gvardiyanıń Qaraqalpaqstan Republikası boyınsha basqarması xızmetkerleri hám Qaraqlpaqstan Respublikası densawlıqtı saqlaw ministrligi shıpakerleri pidayılıq penen jumıs alıp barmaqta. Haqıyqatında da ádil hám ashıq-aydınlıq tárizde ótkerilip atırǵan imtixanlar haqıyqıy óz bilimi hám sporttaǵı joqarı sheberligi bar jaslar ushın jáne bir jaqsı imkaniyat bolıp tabıladı.

Maǵlıwmat ushın Berdaq atındaǵı Qaraqalpaq mámleketlik universitetinde 2023-2024-oqıw jılı ushın kásiplik (dóretiwshilik) imtixanları usı jıldıń 28-iyul sánesine shekem dawam etedi.

QMU Baspasóz xızmeti.