Respublikamızda 51 joqarı oqıw orınlarında 198 qánigelik boyınsha ayrıqsha qábilet talap etiletuǵın tálim baǵdarlarına kásiplik (dóretiwshilik) imtixan procesleri qızǵın túrde ótkerilmekte. Usı tiykarda búgin 26-iyul kúni Berdaq atındaǵı Qaraqalpaq mámleketlik universitetinde Dene mádeniyatı, Jurnalistika, Ámeliy kórkem óner, Sport iskerligi (kurash) talim baǵdarlarına kásiplik (dóretiwshilik) imtixanları bolıp ótpekte.
Dóretiwshilik imtixanların shólkemlestiriw procesinde ádilik hám ashıq-aydınlıqtı támiyinlewge úlken itibar qaratılǵan. Imtixan ótkeriletuǵın orınlarǵa kameralar ornatılıp, internet arqalı tuwrıdan tuwrı onlayn rejimde baqlap barıw imkaniyatı jaratılǵan. Bul óz gezeginde ata-analar hám keń jámiyetshilik wákilleriniń onlayn baqalap, barıw imkaniyatın jaratıp beredi. Sonday-aq, kásiplik (dóretiwshilik) imtixan bolatuǵın orınlarda úyreniw jumısların alıp barıw ushın Ózbekstan Respublikası Joqarı bilimlendiriw, ilim hám innovaciyalar ministrligistrliginen bir qatar wákiller hám universitetimizdiń Korrupciyaǵa qarsı gúresiw «Komplaens qadaǵalaw» bólimi tárepinen turaqlı túrde qadaǵalaw jumısları alıp barılmaqta.
Maǵlıwmat ushın Berdaq atındaǵı Qaraqalpaq mámleketlik universitetinde 2023-2024-oqıw jılı ushın kásiplik (dóretiwshilik) imtixanları usı jıldıń 28-iyul sánesine shekem (sol kúni) de dawam etedi.
QMU Baspasóz xızmeti
