Berdaq atındaǵı Qaraqalpaq mámleketlik universiteti tárepinen 2023-2024-oqıw jılında oqıwǵa qabıllaw processlerinde abiturientlerdiń ata-analarınıń pikir-usınısların, mashqalaların úyreniw maqsetinde isshi topar dúzildi. Bul isshi toparlar tárepinen usı jıldıń 24-iyul sánesinen baslap, kásiplik (dóretiwshilik) imtixanları ótkerilip atırǵan orınlarda ata-analar menen bilimlendiriw sistemasındaǵı alıp barılıp atırǵan reformalar, sonday-aq, aldaǵı waqıtları kútilip atırǵan nátiyjeler haqqında  sáwbetlesiwler, sorawnamalar ótkerilmekte.

Usı tiykarda búgin universitetimizde 1-13-avgust kúnleri bolıp ótetuǵın test imtixanları aldınan isshi topar aǵazaları qatnasında seminar bolıp ótti. Seminarda isshi topar aǵzalarınıń hár birine tájiriybeli oqıtıwshılar tárepinen jol-jobalar berildi. Isshi toparlardı dúziwden gózlengen tiykarǵı maqset Joqarı oqıw orınlarına kiriw processinde imtixan tapsırıp atırǵan jaslardıń ata-analarınıń pikirlerin úyreniw, sonday-aq, olardıń ótkerilip atırǵan imtixan procesinde ádilik hám ashıq-aydınlıqqa itibar qaratılǵanlıǵı boyınsha pikirleri, sonıń menen birge, jaratılǵan keń múmkinshilikler, shárt-shárayatlarǵa bolǵan múnásibetlerin úyreniw bolıp tabıladı.

QMU baspasóz xızmeti