Qaraqalpaq zıyalılarınıń ǵalaba repressiya etilgeniniń (1938-jılı 13-oktyabr) 85 jıllıǵına arnalǵan “Qaraqalpaqstanda repressiya dáwiri tariyxınıń úyreniliwi: izertlewler, jetiskenlikler hám mashqalalar” atamasındaǵı Respublika ilimiy ámeliy konferenciyası
BILDIRIW XATÍ

Ózbekstan Respublikası Ministrler Kabineti janındaǵı Repressiya qurbanların eslew muzeyi hám Qaraqalpaq mámleketlik universiteti quramındaǵı Repressiya qurbanların eslew muzeyi Sizdi 2023-jıl 13-14-oktyabrde ótkeriletuǵın Respublikalıq ilimiy-ámeliy konferenciyasına ilimiy bayanat hám tezisler menen qatnasıwǵa mirat etedi.
Konferenciyanıń ótkeriliwine tiykar bolǵan huqıqıy normativ hújjet: Ózbekstan Respublikası Prezidentiniń 2020-jılı 8-oktyabrdegi “Repressiya qurbanlarınıń miyrasın jánede tereńirek úyreniw hám olardıń esteligin máńgilestiriwge tiyisli qosımsha ilajlar haqqında” ǵı F-5598-sanlı pármanı.
Konferenciya shólkemlestiriwshileri: Ózbekstan Respublikası Ministrler Kabineti janındaǵı Repressiya qurbanların eslew muzeyi hám Qaraqalpaq mámleketlik universiteti kuramındagı Repressiya qurbanları muzeyi, Tariyx fakulteti.
Ótkeriletuǵın waqtı hám ornı: 2023-jılı 13-14-oktyabr, Nókis qalası
Anjumannıń maqseti hám wazıypaları:
1) Qaraqalpaqstanda repressiya dáwiri tariyxınıń úyreniliwi koncepciyasın analiz etiw;
2) zamanagóy tariyxtanıwda repressiya dáwiri tariyxınıń úyreniliwi hám jarıtılıwı milliy ideya hámde “Úshinshi renessans tiykarların jaratıw” talaplarınan kelip shıqqan halda baha beriw;
3) mámleketimiz puqaraların hám ásirese jas áwladtı ǵárezsizlik hám ádillik ushın gúresken pidayı ata-babalarımızdıń esteligine húrmet ruwxında tárbiyalaw;
4) keleshekte repressiya qurbanlarınıń ómiri hám xızmetin jánede tereńirek úyreniw, ilimiy-dóretiwshilik miyrasın toplaw hámde xalqımızǵa qaytarıw barısındaǵı konceptual mashqalalardı dodalaw;
Anjumannıń ilimiy baǵdarı: Ózbekstan hám Qaraqalpaqstannıń kolonialıq dáwiri hám eń jańa dáwiri tariyxı

Dodalanatuǵın máseleler:
1) 1860-1991-jıllardaǵı repressiya bolǵanlardıń milliy ideya hám jańa ilimiy kóz qarastan izertlew hám jarıtılıp barılıwı;
2) Repressiyaǵa ushıraǵan belgili jámiyetlik hám mámleketlik xızmetkerler, ilim hám mádeniyat, aǵartıwshılardıń ómiri, xızmeti, ilimiy hámde ádebiy miyrasın úyreniliwi hám xalıqqa usınılıwı;
3) Ózbekstandaǵı repressiya dáwiri tariyxına sırt el qániygeleriniń jantasıwları salıstırmalı analizi;
4) Ǵárezsizlik jıllarında tariyxıy ádálattıń tikleniwi, repressiya qurbanlarınıń esteliginiń máńgilestiriliwi, milliy qádriyatlardı asırap-abaylaw hám rawajlanıw jolında ámelge asırılǵan tariyxıy jumıslar (1991 -jıldan keyingi dáwir)
5) ǴMDA hám Ózbekstannıń tariyxıy muzeylerinde Sovet dáwiri, repressiya tariyxınıń jaratılıwı metodlar hám jantasıwlar.
Ilimiy-ámeliy konferenciyada qatnasıwdı qálewshiler, tezis materialların Qaraqalpaq mámleketlik universiteti quramındaǵı Repressiya qurbanların eslew muzeyine 2023-jılı 30-sentyabr sánesine shekem jiberiwińizdi soraymız.
Konferenciya materialları toplamın baspadan shıǵarıw názerde tutılǵan. Konferenciyaǵa qoyılǵan tártip qaǵıydalar:
Maqala tekstleri ilimiy, texnikalıq hám metodikalıq tárepten redaktorlanǵan, kólemi 5 betten aspawı, Times New Roman 14 shriftında, A 4 formatta, 1,5 intervalda, joqarıdan 2.0 sm, tómennen 2.0 sm, shepten 3.0 sm, ońnan 1.5 sm, abzac basındaǵı aralıq – 1 sm, formatta bolıwı;
Maqalalar qaǵazda hám elektron variantlarda (DOCRTF formatta) tapsırıladı;
Fayl atı, avtordıń familiyası hám atı menen jazılǵan bolıwı;
Maqalanıń teması bas háripler menen, avtordıń atı, familiyası hám atasınıń atı, ilimiy dárejesi hám jumıs ornı tolıq kórsetiliwi kerek;
Siltemeler (snoska) tekst ishinde, tórtmúyesh qawıs ishine derek avtorı familiyası, baspadan shıqqan jılı hám beti jazıladı. Úlgi: [Qudiyarov 2023, 3-b].
Paydalanılǵan adebiyatlar maqalanıń sońında alfavit tartibinde beriledi.
Shólkemlestiriwshi komissiya tárepinen joqarıda kórsetilgen baǵdarlar boyınsha hám talaplarǵa muwapıq tayarlanǵan materiallardı qaraqalpaq, ózbek, rus tillerinde qabıl etiledi.
Mánzil: Qaraqalpaqstan Respublikası, Nókis qalası, CH.Abdirov kóshesi №1, Repressiya qurbanların eslew muzeyi.
Usınılǵan maqalalar redakciyadan ótkerilip, baspaǵa usınılǵannan soń ilimiy toplamǵa kiritiledi hám tólem tastıyıqlanǵannan keyin (75 000 swm) baspaǵa ruxsat etiledi.
Konferenciya formatı: onlayn hám offlayn
Maqalalardıń qabıl etiliniwine juwapker: Usnatdinova Nasiba
Elektron pochta mánzili:
Telegram nomer: +998 97 789 01 10, +99890 576 31 95
Telefon nomer: +998 97 789 01 10, +99890 576 31 95, +99888 353 59 23