Xabarıńız bar, usı jıldıń, 1-avgust kúninen baslap Nókis qalasındaǵı 6 orında 2023-2024-oqıw jılı ushın joqarı oqıw orınlarına kiriw test sınaqları bolıp ótpekte. Usı tiykarda Qaraqalpaq mámleketlik universitetiniń sport sarayı hám sport zalında da test sınaqları ótkerilip kelinbekte.
Búgin Berdaq atındaǵı Qaraqalpaq mámleketlik universitetiniń rektorı A.Reymov ótkerilip atırǵan test sınaqları hám ol jerde kútiw orınlarında abiturientlerdiń ata-anaları menen sáwbetlesip, universitetimizde alıp barılıp atırǵan jumıslar, student-jaslarǵa jaratılǵan qolaylıqlar haqqında aytıp, barlıq abiturientlerge áwmet tiledi.
Maǵlıwmat ushın; Test sınaqları ótkerilip atırǵan orınlar atirapında ata-analar ushın salqın orınlar tayarlanǵan bolıp, onda úlken ekranlar arqalı test processlerin onlayn baqlap barıwı ushın sharayat jaratılǵan. Sonıń menen birge, abiturientlerdiń ata-anaları, jaqınları ushın universitetimizdiń Kórkem óner fakulteti jámááti hám bir qatar talantlı student-jaslar tárepinen mádeniy ilajlar shólkemlestirilmekte.
QMU baspasóz xızmeti
