Ózbekstan Respublikası Ministrler Kabinetiniń 2022-jıl 18-yanvar kúngi “Qábiletli jaslardı qollap-quwatlaw “Uluǵbek” fondı xızmetin rawajlandırıw is-ilajları haqqında”ǵı 30-sanlı qararı, Joqarı bilimlendiriw, ilim hám innovaciyalar ministrliginiń “Mırza Uluǵbek miyrasxorları” respublikalıq tańlawı jeńimpazları ushınmaqsetli oqıw kursların shólkemlestiriw haqqında”ǵı 347-sanlı buyrıǵı orınlanıwın támiyinlew hám 2023-jılda shólkemlestirilgen “Mırza Uluǵbek miyrasxorları” respublikalıq tańlawı jeńimpazların qollap-quwatlaw maqsetinde usı jıldıń 15-25-avgust kúnlerinde Berdaq atındaǵı Qaraqalpaq mámleketlik universitetinde 4 jeńimpaz qatnasıwshılar ushın maqsetli oqıw kursı shólkemlestirildi.

Maqsetli oqıw kursı dawamında jaslarǵa tiyisli mámleket siyasatınıń mazmun-mánisi, qatnasıwshılarǵa ilimiy innovaciyalıq xızmet, startap joybarları hújjetlerin qáliplestiriw, intellektual múlk túsinigi, brend jaratıw, oratorlıq óneri, basqarıw, dóretiwshilik hám kreativ pikirlewge qaratılǵan temalar boyınsha túsinikler berildi.

Maqsetli oqıw kursı sabaqların tabıslı juwmaqlap, ilimiy-innovaciyalıq ideyaları menen belsendilik kórsetken universitet “Qaraqalpaq filologiyası hám jurnalistikası” fakulteti 3-basqısh studenti Qallibekova Dinora Aybek qızı arnawlı sertifikat penen sıylıqlandı.