Ózbekstan Respublikası Ǵárezsizliginiń 32 jıllıǵı múnásibeti menen búgin Berdaq atındaǵı Qaraqalpaq mámleketlik universitetinde jumıs alıp barıp atırǵan 170 den aslam texnikalıq taraw-xızmetkerleriniń perzentleri ushın universitetimiz rektoratı hám Kásiplik awqamı komiteti tárepinen tayarlanǵan oqıw quralları tapsırıldı. Ilajda universitet rektorı A.Reymov qatnasıp, bársheni eń ullı, eń áziz bayramımız bolǵan Ózbekstan Respublikası Ǵárezsizliginiń 32 jıllıǵı menen qızǵın qutlıqladı.
Ol óz sózinde, ósip kiyatırǵan jas áwladtı hár tárepleme qollap-quwatlaw, jaslardı bilimge iye bolıwı menen birge, kásipke bolǵan qızıǵıwshılıqların elde arttırıw kerekligin, sonday-aq, kelshekte óz kásibiniń mamanı bolıp jetilisiwin tilep, olarǵa bayram sawǵaların tapsırdı. Bunnan soń, ilajda universitetimizdiń Kásiplik awqamı komiteti baslıgı A.Alliyarovlar sózge shıǵıp, ilajda qatnasıp atırǵan bárshe xızmetkerlerdi bayram menen qutlıqlap, olardıń aldaǵı jumıslarında tabıslar tiledi. Ilaj dawamında sózge shıqqanlar bunday kórsetilip atırǵan itibar hám ǵamxorlıqtan sheksiz quwanıshta ekenligin aytıp, universitet jámáátine óz minnetdarshılıqların bildirdi.
