Búgin Berdaq atındaǵı Qaraqalpaq mámleketlik universiteti mádeniyat sarayında 2023-2024-oqıw jılında universitetke oqıwǵa qabıl etilgen student-jaslar menen «Yuksalish» ulıwmamilliy háreketi Qaraqalpaqstan Respublikası aymaqlıq bólimi baslıǵı T.Romanov hám universitetimiz rektorı, professor A.Reymovlar ushırasıp, sáwbetlesiw alıp bardı.
Ushırasıwda universitet rektorı A.Reymov Ózbekstan Respublikası Ǵárezsizliginiń 32 jıllıǵı múnásibeti menen «Jańa turmıs ushın, Jańa Ózbekstan ushın!» súreni tiykarında mámleketimizde sońǵı jıllarda ámelge asırılıp atırǵan reformalar, bilimlendiriw tarawındaǵı ózgerisler, sonday-aq, 2022-2026-jıllarǵa mólsherlengen Jańa Ózbekstannıń rawajlanıw strategiyası hám onıń áhmiyeti haqqında keń túrde túsindirip ótti.
Ushırasıw dawamında «Yuksalish» ulıwmamilliy háreketi Qaraqalpaqstan Respublikası aymaqlıq bólimi baslıǵı T.Romanov sózge shıǵıp, Ózbekstan Respublikası Prezidentiniń «Ózbekstan – 2030» strategiyası haqqında»ǵı Pármanı hám «Ózbekstan – 2030» strategiyasınıń 2023-jılda sıpatlı hámde óz waqtında ámelge asırıw is-ilajları haqqında»ǵı Qararı joybarları boyınsha student-jaslarǵa maǵlıwmat berdi.
QMU baspasóz xızmeti
