Jańa oqıw jılınıń baslanıwı múnásibeti menen student-jaslar arasında úgit-násiyat jumısların alıp barıw hám tártip-qaǵıydalardı túsindiriw maqsetinde 6-sentyabr kúni universitettiń Tariyx fakultetinde profilaktika inspektorı, kapitan I.Erejepov studentler menen sáwbetlesiw ótkerdi.

Ol student-jaslarǵa universitetimizde zamanagóy joqarı bilimlendiriw ushın jaratılǵan sharayatlar haqqında ayta kelip, universitettiń ishki tártip-qaǵıydaları, kóshede, jámiyetlik orınlarda hár bir insannıń ózin uslap-tutıwı, júris-turısı, avtotransportlardı belgilengen qaǵıydalar tiykarında basqarıw, sonday-aq, piyadalardıń jollarda júriw qaǵıydaların qatań túrde saqlaw kerekligi haqqında sóz etti. Bunnan soń, fakultettiń Jaslar menen islesiw boyınsha dekan orınbasarı Z.Qıdırniyazov, fakultet tyutorları B.Esemuratova, G.Esboganova, A.Shrazov, B.Ibadullaevlar shıǵıp sóylep, studentlerge universitettiń ádep-ikramlılıq kodeksi haqqında túsinik berdi hám olardıń oqıwǵa qatnası, kiyiniw mádeniyatı, tártip-intizam tuwralı aytıp ótti.

Baxıtgúl Esemuratova,
Qaraqalpaq mámleketlik universiteti
Tariyx fakultetiniń tyutorı