Búgin, Berdaq atındaǵı Qaraqalpaq mámleketlik universitetinde jańa 2023/2024 oqıw jılınıń baslanıwı menen barlıq kafedra baslıqlarınıń qatnasında oqıw procesiniń nátiyjeliligin arttırıw boyınsha ushırasıw bolıp ótti. Onda universitetimiz oqıw isleri boyınsha prorektorı O.Dúysenbaev, Ilimiy isler hám innovaciyalar boyınsha prorektorı I.Turdımambetov, oqıw metodikalıq basqarması baslıǵı, Sh.Eshmuratovlar qatnastı.

Ushırasıwda universitetimiz oqıw isleri boyınsha prorektorı O.Dúysenbaev sózge shıǵıp, birinshi basqısh studentleriniń oqıw rejeleri qanigelik talaplarına say kórip shıǵıw hám onı saplastırıw, sonday-aq, universitetimizdiń reytingin kóteriwde professor-oqıtıwshılardıń «KPI» yaǵnıy “Eń tiykarǵı nátiyjelilik kórsetkishleri” sisteması boyınsh aytıp, orın alıp atırǵan mashqalalardı birgelikte sheshiw ilajları boyınsha óz pikir usınısların bildirdi.

Bunnan soń, Ilimiy isler hám innovaciyalar boyınsha prorektorı I.Turdımambetov sózge shıǵıp, professor-oqıtıwshılardıń ilimiy potencialın joqarlatıw, skopus xalıq aralıq maǵlıwmatlar bazalarındaǵı ilimiy jurnallarda maqalalar shıǵarıw haqqında aytıp ótti. Sonıń menen birge, ushırasıwda oqıw metodikalıq basqarması baslıǵı, Sh.Eshmuratov hemis oqıw dástúrin úziliksiz jańalap barıw, kredit-modul sisteması, onda belgilengen tiykarǵı wazıypalar haqqında bayanat jasadı. Ushırasıw dawamında oqıw procesiniń nátiyjeliligin arttırıw boyınsha aldaǵı isleniwi tiyis bolǵan rejeler belgilenip alındı.

QMU baspasóz xızmeti