Usı jıldıń 8-sentyabr kúni Berdaq atındaǵı Qaraqalpaq mámleketlik universiteti bas imaratınıń májilisler xanasında Nókis jaslar texnoparki direktorı Rustam Madraimov, texnopark mentorı Erlan Kereev, Ilimiy innovaciyalıq islenbelerdi kommerciyalastırıw bólimi baslıǵı Jumabek Jangabaev hámde universitet jas alımları, student-jasları ortasında ushırasıw ótkerildi.

Ushrasıw dawamında qánigeler tárepinen elimizde jaslardıń baslamaların qollap-quwatlaw, olardıń ilimiy hám innovaciyalıq joybarların ámeliyatqa engiziw boyınsha ámelge asırılıp atırǵan reformalar, Nókis jaslar texnoparkinde jaratılǵan imkaniyatlar, Innovaciyalıq rawajlanıw agentligi tárepinen jariyalanǵan tańlawlar hám grantlar boyınsha tolıq maǵlıwmatlar berildi.

Ushrasıw qatnasıwshıları kún tártibindegi máseleler boyınsha ózlerin qızıqtırǵan sorawlarına tiyisli juwapların aldı. Iláj sońında bir qatar belsendi universitet studentlerinen Piyshenbaev Qarjawbay, Amangeldieva Albina hám Nietbaeva Shaxlolarǵa Nókis jaslar texnoparki aǵzalıq guwalıǵı hám estelik sawǵaları tapsırıldı.