Berdaq atındaǵı Qaraqalpaq mámleketlik universiteti delegaciya aǵzalarınıń Belorussiya mamleketindegi xızmet saparı dawam etpekte. Sapar dawamında universitet rektorı, texnika ilimleri doktorı, professor A.Reymov P.M.Masherov atındaǵı Vitebsk mámleketlik universitetinde boldı. Dáslep professor A.Reymov Vitebsk mámleketlik universiteti rektorı, ekonomika ilimleri doktorı, professor Valentina Bogatyreva menen ushırasıp, bul jerde universitettiń, ximiya, biologiya hám geografiya fakulteti studentlerine lekciya ótti.

Bunnan soń, professor A.Reymov P.M.Masherov atındaǵı Vitebsk mámleketlik universitetinde Ximiya -biologiya hám geografiya fakulteti studentleri hám professor-oqıtıwshıları menen sáwbet alıp bardı. Sáwbet barısında Qaraqalpaqstnadaǵı joqarı oqıw orınları hám ózi basshılıq etip atırǵan oqıw dárgayı, sonday-aq, búgingi kúnde bilimlendiriw tarawındaǵı alıp barılıp atırǵan reformalar haqqında aytıp ótti.

Maǵlıwmat ushın; bunnan eki jıl aldın P.M.Masherov atındaǵı Vitebsk mámleketlik universiteti hám Berdaq atındaǵı Qaraqalpaq mámleket universiteti arasında birge islesiw shártnaması dúzilip, onıń sheńberinde házirde qospa tálim programması ámelge asırılıp kelinbekte.

QMU baspasóz xızmeti