Berdaq atındaǵı Qaraqalpaq mámleketlik universiteti Dene mádeniyatı fakultetinde ata-analar menen ushırasıw bolıp ótti. Ilajǵa Dene mádeniyatı fakulteti dekanı N.Qaypov, jaslar menen islesiw boyınsha dekan orınbasarı R.Óteniyazov, oqıw isleri boyınsha dekan orınbasarı A.Sultansuyunov, tyutorlar hám de ata-analar qatnastı. Ilajda bayanatshılar studentlerdiń ata-analarına perzentleriniń tártip-intizamı, bilim alıwǵa bolǵan qızıǵıwshılıǵı boyınsha maǵlıwmatlar berip, internet tarmaqlarınan aqılǵa muwapıq paydalanıwı kerekligi hám basqa da tálim-tárbiya máseleleri, sonday-aq, búgingi kúnde universitetimizde student-jaslarǵa jaratılǵan imkaniyatlar, olardı kásipke baǵdarlaw, bilimlendiriwdiń sapasın arttırıw, til úyreniw, korrupciyaǵa qarsı gúresiw, studentlerdiń sabaqqa qatnası, bos waqıtların mazmunlı ótkeriw boyınsha islenip atırǵan jumıslarǵa da toqtaldı. Ushırasıw dawamında ata-analar, óz pikir hám usınısların bildirip, ózleriniń qızıqtırǵan sorawlarına juwaplar aldı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
