Búǵin 18-sentyabr kúni 2023/2024-oqıw jılında Berdaq atındaǵı Qaraqalpaq mámleketlik universitetiniń sırtqı bólimi aralıqtan oqıtıw tálim baǵdarına qabıl etilgen student-jaslar menen ushırasıw bolıp ótti. Onda universitetimizdiń oqıw isleri boyınsha prorektorı O.Duysenbaev, Sırtqı bólim baslıǵı S.Mırzataev, Sırtqı bólimniń aralıqtan oqıtıw tálim baǵdarı boyınsha juwapker R.Shixiyev hám student-jaslar qatnastı.

Dáslep, universitetimizdiń oqıw isleri boyınsha prorektorı O.Duysenbaev sózge shıǵıp, universitettiń ishki tártip qaǵıydaları, studentlerdiń sabaqlarǵa óz watında qatnası hám basqa da tálim-tárbiya máseleleri boyınsha sáwbetlesiw alıp bardı.

Bunnan soń, Sırtqı bólim baslıǵı S.Mırzataev hám aralıqtan oqıtıw tálim baǵdarı boyınsha juwapker R.Shixiyevlar shıǵıp sóylep, universitetimizdegi oqıw processi studentlerdiń bilimin bahalaw sistemasına kirgizilgen ózgerisler, oqıw normativ hújjetler, kredit-modul sisteması haqqında maǵlıwmat berip ótti.

Ushırasıwdı ótkeriwden tiykarıǵı maqset jańa oqıw jılında studentlikke qabıl etilgen student-jaslardı universitettiń ishki tártip qaǵıydaları menen tanıstırıw, sonday-aq, oqıw-normativ hújjetler, kredit-modul sisteması boyınsha túsindiriw jumısların alıp barıw bolıp tabıladı.

QMU baspasóz xızmeti