Berdaq atındaǵı Qaraqalpaq mámleketlik universiteti Shet tilleri fakulteti Filologiya hám tillerdi oqıtıw baǵdarı (inglis tili) 4-basqısh studentleri pedagogikalıq ámeliyatına jiberildi. Ámeliyat oqıw processiniń ajıralmas elementi sıpatında universitette studenter tárepinen alınǵan bilimlerin bekkemlew hám onı elede keńeytiw maqsetinde ámelge asırılıp, studentlerdiń qánigelik boyınsha zárúr ámeliy kónlikpelerin iyelew, texnologiya hám miynettiń jetekshi usılların ózlestiriw imkaniyatın beredi.
Usı jıldıń 5-sentyabr kúninen baslap Filologiya hám tillerdi oqıtıw baǵdarı (inglis tili) 4-basqısh studentleri Nókis qalası xalıq bilimlendiriw bólimine qaraslı 9, 12, 22 hám 32-sanlı ulıwma orta bilim beriw mekteplerinde ameliyat basshıları Gulzada Eshimbetova, Guljahan Seytniyazova, Rashid Elmuratov, Zuxra Xudaybergenova, Dilfuza Djumambetova, Azamat Bazarbaev, Sarbinaz Berdimuratova, Elza Erimbetova, Dilfuza Badirovalar menen birgelikte bir ay dawam etiwshi pedagogikalıq ámeliyatın ótemekte. Dáslep ámeliyatshılarǵa kórsetilgen mekteplerdiń oqıw isleri boyınsha direktor orınbasarları pán oqıtıwshıları menen tanıstırdı hám ámeliyat haqqında túsindirip, olarǵa oqıw processi menen tanıstırıp ótti.
Hazirgi waqɪtta studentler mektep oqıwshılarına óz bilim hám kónlikpelerin qollanǵan halda jana interaktiv metodlardan paydalanıp óz betinshe sabaqlardı nátiyjeli alıp barmaqta.
Bul processte studentler ózlerine júkletilgen wazıypalar sheńberinde erkin tárizde maǵlıwmat tańlawları hám alǵan bilimlerin ámelde qollanıwı múmkin hám kafedra jámááti tárepinen olarǵa tabıslar tileymiz.
