Búgin, 19-sentyabr kúni Berdaq atındaǵı Qaraqalpaq mámleketlik universitetinde Ekonomika fakulteti student-jaslarına Qaraqalpaqstan Respublikası Joqarǵı Keńesi Baslıǵınıń orınbasarı Rustam Saparbaev kámbaǵallıqtı qısqartırıw baǵdarında lekciya sabaǵın ótti.

Onda universitettiń jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov, fakultet dekanı K.Kudiyarov kafedra baslıqları, professor-oqıtıwshılar hám student-jaslar qatnastı. Dáslep Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev búgingi kúnde mámleketimizde ekonomika tarawında ámelge asırılıp atırǵan reformalar, sonday-aq, olardan nátiyjeli paydalanıw, ásirese xalıqtı isbilermenlikke tartıw, olardıń bántligin támiyinlew arqalı turaqlı dáramat deregi menen támiyinlew kerekligin aytıp ótti.  Bunnan soń, «Jas shańaraqlardı kámbaǵallıqtan shıǵarıwdıń sociallıq-ekonomikalıq innovaciyalıq tiykarları » joybarın ámeliyatqa engiziw boyınsha óz usınısların bildirdi.

Lekciya dawamında professor-oqıtıwshılar hám student-jaslar joybar menen tolıq tanısıp, ózleriniń qızıqtırǵan sorawlarına juwaplar aldı.

QMU baspasóz xızmeti