Berdaq atındaǵı Qaraqalpaq mámleketlik universitetinde Innovaciyalıq rawajlanıw agentliginiń Ilim-pán hám bilimlendiriw integraciyası basqarması baslıǵı B.Shamuratov hám Xorezm Mamun akademiyası Ilimiy isler boyınsha direktor orınbasarı Sh.Hasanovlardıń universitet tayanısh doktorantları hám stajyor-izleniwshileri menen ushırasıwı bolıp ótti. Ushırasıw dawamında ilimiy-izertlew jumıslarınıń barısı hám izertlew jumısları nátiyjeleriniń ámeliyatqa engiziliwi, shet tillerin biliw dárejesin asırıw máseleleri dodalandı. Sonday-aq, xalıqaralıq maǵlıwmatlar bazasınan paydalanıw, ilimiy-izertlew jumıslarınıń nátiyjelerin járiyalaw ushın ilimiy jurnallar tańlaw, maǵlıwmatlar bazasınıń resursları hám olardıń dissertaciya jumısın ámelge asırıwdaǵı áhmiyeti boyınsha pikir almasıldı. Ushırasıw juwmaǵında jas ilimpazlar menen ótkeriletuǵın bunday ushırasıwlar olardıń ilimiy iskerliginiń nátiyjeliligin asırıwǵa hám ilimiy iskerlik penen baylanıslı mashqalalardı sheshiwge járdem beriwi atap ótildi.

Bunnan soń miymanlar universitet “Bioekologiya” ilimiy-izertlew laboratoriyasında bolıp, studentler hám jas ilimpazlar ushın jaratılǵan sharayatlar, bul jerdegi ásbap-úskeneler hám ámelge asırılıp atırǵan tájiriybe jumısları menen jaqınnan tanıstı.