Ózbekstan Jurnalistler awqamı Qaraqalpaqstan bólimi tárepinen Berdaq atındaǵı Qaraqalpaq mámleketlik universiteti Qaraqalpaq filologiyası hám jurnalistika fakultetinde “Radio jurnalistikanıń ózine tán ózgeshelikleri” temasında dóretiwshilik ushırasıw ótkerildi.

Ilajda  Filologiya ilimleriniń  kandidatı, docent  Zıyada Qojıqbaeva, Qaraqalpaqstan xabar agentligi sholıwshısı Dawıt Abibullaev, Qaraqalpaqstan radiokanalınıń “Muzıkalıq dem alıw baǵdarlamaları” bas redakciyası redaktorı   Ulmeken Palwaniyazova hám jas jurnalistler qatnastı.

Dóretiwshilik ushırasıw sheńberinde qatnasıwshılar radio jurnalistikanıń áhmiyeti, esittiriwler tematikası hám onı tayarlaw procesleri, radionıń basqa ǵalaba xabar qurallarınan ajıralıp turatuǵın tiykarǵı ózgeshelikleri, dóretiwshilik iskerlik hám jumısshılarǵa jaratılǵan sharayatlar haqqında aytıp, bolajaq jurnalistler menen birge islesiw boyınsha ámelge asırılıp atırǵan jumıslar menen tanıstırıldı. Ilaj juwmaǵında student-jaslar ózlerin qızıqtırǵan sorawlarına juwap aldı.

Qaraqalpaq filologiyası hám jurnalistika fakultetinde

tyutorı Mambetmurat Reymov