Berdaq atındaǵı Qaraqalpaq mámleketlik universitetinde “Jańa Ózbekstanda insan huqıqlar” hám “Sociallıq mámlekette insan qádiri” atamasında student jaslar menen ushırasıw bolıp ótti. Onda Qaraqalpaqstan Respublikası Ádillik ministrligi bólim baslıǵı A.Utewliev, Shańaraq ilmiy-ámeliy orayı” mámleketlik emes, kommerciyalıq emes shólkem direktorı M.Ótepbergenov,  Ózbekstan mámleketlik kórkem óner institutı Nókis filialı direktorı A.Ayapov hám universitet  Fizika fakulteti Yarım Ótkizgishler fizikası kafedrası baslıǵı, fizika-matematika ilimleri doktorı, professor Q.Ismaylovlar qatnastı.

Ushırasıwda sózge shıqqanlar, mámleketimizdegi sociallıq hám siyasiy baǵdarda ámelge asırılıp atırǵan reformalar, insan huqıqlarınıń tiykarǵı principleri, jańa redakciyadaǵı Konstituciya hám ondaǵı sociallıq mámlekettiń áhmiyeti, insan qádiri boyınsha jámiyetlik institutlardıń jumısları, jaslar turmısındaǵı jaratılǵan imkániyatlar, tálim sistemasındaǵı jańalıqlar,  shańaraq psixologiyası hám jaslardıń salamatlıq ortalıǵı hám de universitet ishki tártip-qaǵıydaları haqqında túsinik berildi. Ilaj juwmaǵında student-jaslar ózleriniń qızıqtırǵan sorawlarına taraw qánigelerinen juwaplar aldı.