Yuridika fakultetinde hayal-qızlardıń jámiyettegi rolin kúsheytiw atamasında ushırasıw bolıp ótti. Onda Qaraqalpaqstan Respublikası sudınıń puqaralıq isleri boyınsha sudlaw kollegiyasınıń sudyası Zulfiya Babadjanova, Qaraqalpaqstan Respublikası sudınıń ekonomikalıq isler boyınsha sudlaw kollegiyasınıń sudyası Gúlistan Eshnazarova, Qaraqalpaqstan Respublikası hákimshilik sudı sudyası Raxima Xudaybergenova, Nókis rayonlar aralıq ekonomikalıq sudınıń sudyası Munavvar Karimbaeva, fakultet dekanınıń hayal-qızlar máseleleri boyınsha másláhátshisi G.Pirniyazova, keńes aǵzaları S.Dilanova, G.Qazaqbaeva hám student-qızlar qatnastı.
Ushırasıwda taraw qánigeleri tárepinen rawajlanıw strategiyasınıń mazmun mánisi, áhmiyeti, bilimlendiriw baǵdarındaǵı is-ilajlar, gender teńlikti támiyinlew hám hayal-qızlardıń jámiyettegi rolin kúsheytiw haqqında sóz etildi.
