Búgin Berdaq atındaǵı Qaraqalpaq mámleketlik universiteti Qurılıs fakultetinde isbilermenler qatnasıwında student-jaslar ushın master klass ótkerildi. Ilajdı fakultet dekanı T.Uzaqov ashıp berdi hám alıp bardı. Ushırasıwda «KKRASI Chemical» JShJ direktorı Ruslan Abıtov , Qaraqalpaq Titan Cement JShJ direktor orınbasarı Amet Rambergenov qatnastı. Dáslep R.Abıtov Qaraqalpaqstan ushın rejelestirilgen 100 joybar, A.Rambergenov bolsa, Qaraqalpaqstan shárayatında cement islep shıǵarıw boyınsha islenip atırǵan jumıslardı tanıstırdı. Jana joybardı fakultetimiz oqıtıwshısı A.Purxanatdinov qosımsha maǵlıwmatlar menen Qurılısqa tikkeley baylanıslı táreplerin aytıp ótti. Ushırasıwda qatnasqan student-jaslar isbilermenlik penen shuǵıllanıwdı baslaw, cement islep shıǵarıw hám respublikamız ushın ajıratılıp atırǵan jańa joybarlar haqqında keńnen túsinikke iye boldı. Ushırasıw miymanları hár qanday isbilermenlikti baslaw ushın eń dáslep bilim alıw kerek ekenligin eskertti hám qızıqtırǵan sorawlarına juwaplar aldı.