Shet tilleri fakultetine 2023-2024 oqıw jılında 1-kursqa qabıl etilgen studentlerdiń ata-anaları menen ushırasıw bolıp ótti. Oǵan universitettiń jaslar máseleleri, ruwxıylıq-aģartıwshılıq isleri boyınsha prorektor S.Alawatdinov, fakultet dekanı, dekan orınbasarları, kafedra baslıqları, hayal-qızlar máseleleri boyınsha dekan másláhátshisi, tyutorlar hám ata-analar qatnastı. Iljada dáslep universitet jaslar máseleleri, ruwxıylıq-aģartıwshılıq isleri boyınsha prorektor S.Alawatdinov sózge shıģıp, oqıw dárgayımızda studentlerdiń sapalı  bilim alıwları ushın jaratılģan sharayatlar hám aldaģı rejeler haqqında maģlıwmat berdi.

Sonday-aq, fakultet dekanı Dj.Kurbanbaev, dekan orınbasarları R.Saparniyazov, T.Kulniyazov hám hayal-qızlar máseleleri boyınsha dekan másláhátshisi M.Ametovalar sózge shıģıp, fakultette ámelge asırılıp atırģan jumıslar, HEMIS platforması, kredit modul sistemasında oqıw processlerin shólkemlestiriw, student-jaslardıń ádep-ikramlıq qaģıydalarına ámel etiwi hámde búgingi kúnde jetiskenliklerge erisken hám sociallıq qollap-quwatlawģa mútáj bolģan student-jaslarģa mámleketimiz tárepinen berilip atırģan jeńillikler haqqında aytıp ótti. Ushırasıwdan soń ata-analar universitetimizdiń 4-5 sanlı studentler turar jayında studentler ushın jaratılģan sharayatlar menen tanıstı.