Berdaq atındaǵı Qaraqalpaq mámleketlik universiteti Matematika fakulteti 4-basqısh studentleri pedagogikalıq ámeliyatına jiberildi. Ámeliyat oqıw processiniń ajıralmas elementi sıpatında universitette studentler tárepinen alınǵan bilimlerin bekkemlew hám onı elede keńeytiw maqsetinde ámelge asırılıp, studentlerdiń qánigelik boyınsha zárúr ámeliy kónlikpelerin iyelew, texnologiya hám miynettiń jetekshi usılların ózlestiriw imkaniyatın beredi.

Usı jıldıń 6-sentyabr kúninen baslap Matematika tálim baǵdarı 4-basqısh studentleri Nókis qalası xalıq bilimlendiriw bólimine qaraslı 4-17 hám rayonlıq ulıwma orta bilim beriw mekteplerinde hám Qaraqalpaq  mámleketlik  universiteti  akademiyalıq liceyinde ámeliyat basshıları, Ó.Kurbanbaev, J.Otarova, Sh.Erejepova, K. Baymuratova, I.Saliev hám Q.Qazaqbaevalar menen birgelikte tórt ay dawam etiwshi pedagogikalıq ámeliyatın ótemekte.

Hazirgi waqɪtta  studentler mektep oqıwshılarına óz bilim hám kónlikpelerin qollanǵan halda  jana interaktiv metodlardan paydalanıp óz betinshe sabaqlardı nátiyjeli alıp barmaqta. Bul processte studentler ózlerine júkletilgen wazıypalar sheńberinde erkin tárizde maǵlıwmat tańlawları hám alǵan bilimlerin ámelde qollanıwı múmkin hám kafedra jámááti tárepinen olarǵa tabıslar tileymiz.