Xabarıńız bar, Ózbekstan Respublikası Joqarı bilimlendiriw, ilim hám innovaciyalar ministrligi hám de Ózbekstan Respublikası Jaslar siyasatı hám sport ministrligi tárepinen «Bes baslama olimpiadası» sheńberinde joqarı oqıw orınları studentleri arasında ǵalabalıq sport jarısların ótkeriw tártibi boyınsha jańa redakciyadaǵı  qospa reje tastıyıqlanǵan edi.

Usı múnásibet penen «Bes baslama olimpiadası» rejesine muwapıq 25-27-sentyabr kúnleri Dene mádeniyatı fakultetiniń akademiyalıq toparları arasında mini-futbol, stol tennisi, voleybol, jeńil atletika, stritbol sport túrleri boyınsha 1-basqısh jarısları ótkerildi.

Jarısqa tájiriybeli sportshılar, dene mádeniyatı teoriyası hám metodikası professor-oqıtıwshıları tóreshilik etti. Jarıslar tóreshiler tárepinen tárepinen ádil bahalanıp, jeńimpaz bolǵan toparlar anıqlandı hám jarıstıń keyingi, yaǵnıy 5-12-oktyabr kúnleri ótkeriletuǵın universitet (fakultetlerara) basqıshına jollama aldı.

Ótkerilgen jarıstıń maqseti universitet studentleriniń ǵalabalıq túrde sport penen turaqlı shuǵıllanıwları ushın mexanizm jaratıw, sonday-aq, olar arasında salamat turmıs tárizine bolǵan unamlı múnásibetti rawajlandırıw maqsetinde ǵalabalıq sport jarıslardı ótkeriw arqalı studentlerden ibarat komandalardı qáliplestiriw bolıp tabıladı.

R.Óteniyazov

Dene mádeniyatı fakultetiniń jaslar menen islesiw boyınsha dekan orınbasarı