Búgin Berdaq atındaǵı Qaraqalpaq mámleketlik universitetinde 22.00.02 – Sociallıq struktura, sociallıq institutlar hám turmıs tárizi qánigeligi boyınsha dissertaciya (DSc, PhD) jumısların kórip shıǵıw hám dodalaw maqsetinde kafedralar aralıq ilimiy seminar májilisi bolıp ótti. Ilimiy seminar májilisinde Universitettiń «Sociallıq pánler» kafedrası erkin izleniwshisi Saparbaev Rustam Tursınbaevichtiń “Yosh oilalarni kambag‘allikdan chiqarishga ijtimoiy-iqtisodiy innovacion yondoshuvlar (Qoraqalpog‘iston Respublikasi misolida)” temasındaǵı sociologiya ilimleri boyınsha filosofiya doktorı (PhD) ilimiy dárejesin alıw ushın tayarlanǵan dissertaciya jumısın hár tárepleme kórip shıqtı hám talqılandı.
Kafedralar aralıq ilimiy seminar májilisin ilimiy seminar baslıǵı, f.i.d., professor A.K.Berdimuratova ashtı hám basqarıp bardı. Májiliste erkin izleniwshi R.Saparbaev shıǵıp soylep, búgingi kúnde Qaraqalpaqstan aymaǵında jas shańaraqlardı kámbaǵallıqtan shıǵarıw boyınsha mámleketimiz tárepinen alıp barılıp atırǵan siyasat hám onıń mazmun-mánisi, usı baǵdarda ámelge asırılıp atırılǵan reformalar menen birgelikte bul tarawda sheshiliwi tiyis bolǵan mashqalalarǵa óziniń ilimiy-teoriyalıq hám ámeliy jaqtan tiykarlanǵan pikir, usınısların, bul boyınsha óziniń dissertaciya jumısınıń mazmunı hám áhmiyeti menen májilis qatnasıwshıların keń túrde tanıstırıp ótti. Ilimiy seminar májilisinde qatnasıwshılar tárepinen erkin izleniwshige izertlew temasına baylanıslı sorawlar berilip, oǵan izleniwshi tárepinen tiyisli juwaplar berildi. Ilimiy seminar májilisi joqarı dárejede hám qızǵın pikir alısıwlarǵa bay tárizde ótkerildi.
QMU baspasóz xızmeti
