Búgin dúnyanıń ayırım jerlerinde bolıp atırǵan urıslar kimdi bolsa da táshwishke saladı. Elimizde húkim súrip turǵan tınıshlıq, alıp barılıp atırǵan uzaqtı gózlegen siyasat hám keń kólemli reformalar nátiyjesi bolıp tabıladı. Áne usınday zamanımızdıń qádirine jetiw, jaratılǵan imkaniyatlardan keń paydalanıw, tereń bilim iyelew hár bir jastıń aldına qoyǵan maqseti bolıwı tiyis. Usı mazmunda Tariyx fakultetinde ushırasıw keshesi bolıp ótti. Onda fakultet dekanı S.Sulaymanov, Awǵanstan urısı qatnasıwshıları mayor U.Allayarov, O.Tóreniyazov, Q.R Veteranlar isleri boyınsha keńes baslıǵı podpolkovnik P.Ergunusov, Nókis qalası veteranlar keńesi baslıǵı mayor D.Allamuratov, Qaraqalpaqstan Respublikası veteranlar isleri boyınsha keńes baslıǵı orınbasarı serjant B.Kannazarov hám student-jaslar qatnastı. Sáwbet dawamında qatnasıwshılar ózleriniń basıp ótken jolı, urıstıń awır hám ayanıshlı aqıbetleri haqqında aytıp, búgingi tınısh hám abadan turmısımızdıń qádirine jetiw kerekligin aytıp ótti.

R.Vapaev, QMU, tariyx fakulteti tyutorı.